शैक्षिक परामर्श व्यवसायी महासंघको उपाध्यक्षमा गणेश शर्मा निर्वाचित

काठमाडौँ। शैक्षिक परामर्श व्यवसायी महासंघको उपाध्यक्षमा गणेश शर्मा चयन भएका छन्। लामो समय शैक्षिक क्षेत्रमा कार्यरत शर्मा यसपटक उपाध्यक्षमा निर्वाचित भएका हुन्।

कोरिया शैक्षिक परामर्श संघ (केक्यान) नेपालबाट उपाध्यक्षमा शर्मासहित सचिवमा विष्णु खड्का, केन्द्रीय सदस्यमा रमेश अधिकारी, शशीप्रसाद भट्टराई, नरेशप्रसाद सेडाइँ निर्वाचित बनेका छन्। कोरिया शैक्षिक परामर्श संघ (केक्यान) नेपालमा सहभागी सदस्यहरू महासंघमा निर्वाचित भएका हुन्।

महासंघको शनिबार काठमाडौँमा आयोजित साधारणसभा र घोषणा सभाले शर्मासहितको ५५ सदस्यीय समिति सर्वसम्मत टुंग्याएको हो। शर्मा खबर सेवा अनलाइनका प्रधान सम्पादक हुन्। शर्मालाई नवनिर्वाचित महासंघका अध्यक्ष राजेन्द्र बरालले निर्वाचित प्रमाण पत्र हस्तान्तरण गरेका थिए।